اجمیر شریف

اجمیر جینکوں احترام نال اجمیر شریف پکارا ویندا ہے. ریاست راجستھان دا شہر تے اجمیر ضلع دا صدر مقام ہے۔ 2001ء دے اندازے دے مطابق ایں دی آبادی 500,000 افراد تے مشتمل ہئی۔ بھارت دی آزادی توں یکم نومبر 1956ء تک ایہ ریاست اجمیر دا حصہ ہئی مگر بعد وچ صوبہ راجستھان وچ شامل کر ݙتا گیا۔ اجمیر ہک اہم ریلوے جنکشن ہے تے کپڑے دی صنعت دا ہک اہم مرکز ہے۔ تے ایں شہر دی سب توں وݙی وجہ شہرت حضرت خواجہ معین الدین چشتی اجمیریؒ ہن۔ جنہاں دی خانقاہ مراجع خلائق ہے۔

خواجہ معین الدین چشتیؒ دی درگاہ

اجمیر شہر دا ہک ݙکھالا

تاریخ

اجمیر دی بنیاد ݙاہویں صدی عیسوی وچ راجہ اجے پال چوہان نے رکھی۔ 1193ء وچ محمد غوری نے اجمیر کوں فتح کیتا تے دہلی سلطنت دی بنیاد رکھی۔ محمد غوری نے تاوان دی ادائیگی تے ایں دی اندرونی حکومت دوبارہ چوہان حکمراناں دے سپرد کر ݙتی۔ 1365ء تک ایہ دہلی سلطنت دا حصہ رہا. جݙݨ اینکوں میوار حکمراناں نے فتح کر گھدا تاں 1509ء وچ ایہ علاقہ میوار دے مرہٹیاں تے میوار حکمراناں دے درمیان کشیدگی دا باعث رہا تے آخر کار میوار حکمراناں نے 1532ء وچ دوبارہ مکمل کنٹرول حاصل کر گھدا۔ 1559ء وچ شہنشاہ اکبر نے علاقہ فتح کر گھدا تے 1770ء وچ مرہٹیاں نے دوبارہ ایں کوں قابو کر گھدا۔ 1818ء وچ مرہٹیاں نے پنجاہ ہزار روپے وچ اجمیر کوں برطانوی حکومت کو ویچ ݙتا تے ایہ برطانوی حکومت دا حصہ بݨ ڳیا۔