اجمل گاݙی

اصل ناں       محمد اجمل

قلمی ناں       اجمل گاڈٖی

جٖمنْ           1975ء

تعلیم          مڈل

پیشہ           محنت مزدور

فون نمبر        0345 2219582

جاہ پتہ       موضع رکھ پتل تحصیل کوٹ ادو ضلع مظفرگٖڑھ

اجملؔ خان گاڈٖی کوٹ ادو دی دھرتی دا نامور شاعر ہے ، سرائیکی شاعری دیاں تقریبََا ساریاں صنفاں لکھدے،آپ دی شاعری وچ مزاحمتی رنگ نمایاں نظر آندے ۔جیویں جو آپ دا ہک شعر ہے۔

؎میڈٖے شہر دا شہنشاہ      پَٹکا بٖدھیندے چور کوں

اجمل خان گاڈٖی کریم بخش واجبؔ دے شاگرد ہن ۔ خوبصورت لبٖ و لہجے دی شاعری کریندن۔علاوہ ازیں پُل 40نہرٹی پی لنک تے کئی سال کنوں مسلسل سالانہ سرائیکی مشاعرہ اجملؔ گاڈٖی دی خاص پہچانْ بنْ چُکے۔ نمونہ کلام۔

(1)غزل

توڑے رستے یکے بدلا کھڑے ہیں

ولا رُلدے اتھاہیں آ کھڑے ہیں

جے ساکوں علم ہوندا نہ کریندے

محبت گٖیڑ ہا گٖل پا کھڑے ہیں

جڈٖاں علم ئِ ٹکرسی نہ الیسی

اوندے راہ تے کریندے کیا کھڑے ہیں؟

کوئی مشکل دیوچ نی ساتھ ڈٖیندا

اساں سنگتی یکے ازما کھڑے ہیں

اے کملا دل نی اجملؔ ہک منیدا

اساں تاں لکھ دفعہ سمجھا کھڑے ہیں

؎رات اتنی جو بے قراری ہئی

اکھ دے رستے توں نئیں گزاری ہئی

سہ تے اجمل کہیں دا قبضہ ہا

میڈٖی زندگی یکی ادھاری ہئی