اثر گیلانی
اصل ناں سخی حسین شاہ
قلمی ناں اثر ؔگیلانی
جٖمنْ 1969ء
جاہ پتہ ارائیاں والا۔ڈاکخانہ شہانی۔تحصیل و ضلع بھکر
کلام
لکھو؎تیڈٖا ناں لباں تے دلبر نچدے ساری رات
پلکاں تے ہنجواں دا لشکر نچدے ساری رات
کاں کوڑے ترسلے ڈٖیندے ڈٖینہ سارا دل گیر
روگٖ جدئی دا سینے اندر نچدے ساری رات
ساری رات لکھیندیں گزرے پیار پرم دے گیت
کاغذ تے ہک تیڈٖا پیکر نچدے ساری رات
تارے چندر اثرؔ گیلانی ڈھولا گھن گٖئے نال
میڈٖے شہر اندھارا گھر گھر نچدے ساری رات
٭٭٭