اتر پردیش (المعروف یو پی) بلحاظ آبادی بھارت دی سب توں وݙی تے رقبے دے اعتبار نال پنجویں وݙی ریاست ہے۔

سرکاری نشان

تفصیلاتلکھو

اتر پردیش دریائے گنگا دے انتہائی زرخیز تے گنجان آباد میداناں تے پھیلی ہوئی ریاست ہے۔ اس دیاں سرحداں نیپال دے علاوہ بھارت دی ریاستاں اتر انچل، ہماچل پردیش، ہریانہ، دہلی، راجستھان، مدھیہ پردیش، چھتیس گڑھ، جھاڑکھنڈ تے بہار نال ملدیاں ہن۔

اتر پردیش دا انتظامی و قانونی دار الحکومت لکھنؤ ہے جبکہ اعلیٰ عدالت الہ آباد وچ قائم ہے۔

اترپردیش قدیم تے قرون وسطی بھارت دی طاقتور سلطنتاں دا گھر ہئی۔ ریاست دے ݙو وݙے دریاواں، گنگا تے دریائے جمنا، الٰہ آباد وچ ملدے ہن تے ول گنگا مشرق دی طرف مڑ ویندا ہے۔ ریاست وچ کئی تاریخی، قدرتی تے مذہبی سیاحتی مقامات ہن، جیویں کہ، آگرہ، وارانسی، رائے بریلی، کوسامبی، کانپور، بلیا، شراوستی ضلع، گورکھپور، اناؤ، چوری چورا وچ واقع گورکھپور، کشی نگر، لکھنؤ، جھانسی، الٰہ آباد، بدایوں، میرٹھ، متھرا، جونپور، اترپردیش تے مظفر نگر شامل ہن.

اتر پردیش بھارت دے شعبہ زراعت وچ ہک اہم مقام رکھدا ہے۔ ایں دا اندازا ایں ڳال توں لایا ونج سڳدا ہے کہ بھارت وچ ہر پنج فروخت تھیوݨ والے ٹریکٹراں وچوں ہک ایں ریاست وچ وکدا ہے۔ [١] 2010-11 وچ اتر پردیش وچ پچھلے ادوار توں زیادہ یعنی 47.55 میٹرک ٹن غلے دی پیداوار درج کیتی جیہڑا پچھلے سال توں 10 فی صد اضافہ ہئی۔ 2010-11 وچ ریاست وچ پورے ملک دے غلے دا پنجواں حصہ تھیا ہئی۔ ریاست وچ ملک دے کل چاول دا 13 فی صد، گیہوں دا 35 فی صد، دالاں دا 13 فی صد تے موٹے اناج دا 8 فی صد تھیا ہئی۔ ۔[٢]

حوالےلکھو

  1. Biju M K,Aneesh P. & Faisal U. "Analysis on Sales Drops in Tractor Market for Mahindra & Mahindra Using Sales Funnel Analysis", Indian Journal of Business and Retail Management Research, Vol 5 No 1-2, Jan-Dec 2016, Serials Publications (P) Ltd,New Delhi (INDIA), Pp 81-94.
  2. Ajai Prakash & Ankit Srivastava, "Influence of Farming Methods on Value Chain of Agriculture: An Empirical Study for Uttar Pradesh",Arthshastra Indian Journal of Economics & Research (Bi-monthly)، Volume 5,ستمبر-اکتوبر, 2016, pp 39-48