ابو علی منصور الآمر باحکام اللہ

ابو علی منصور الآمر باحکام اللہ دولت فاطمیہ دا ݙاہواں خلیفہ تے اسماعلیاں دا ویہواں امام (495ھ تا 524ھ) ہئی. مستعلی نے اپݨے پنج سالہ لڑکے ابو علی تے نص کیتا تے اونکوں اپݨا جانشین بݨایا۔ ایہ کمسن لڑکا ہئی. اس واسطے افضل کوں اس دا ولی بنایا تے مستعلی دی وفات دے روز ہی منصور ابو علی دے ناں نال بیعت گھن کے اونکوں الآمر اللہ دا لقب ݙے ݙتا گیا ۔

صلیبیاں دی کامیابیاں

صلیبیاں نے یافا تے قبضہ کر گھدا ہئی۔ 495ھ وچ سعد الدولہ کوں افضل ہک لشکر ݙے کے انہاں دے خلاف کارروائی کیتے بھیجا۔ صلیبیاں کوں شکست دا سامݨا کرنا پیا تے رملہ فاطمیاں دے قبضہ وچ آگیا۔ آپس دے اختلاف دی وجہ نال مصری فوج اگوں نہ ودھ سکی۔ اس دے بعد وی صلیبیاں دے خلاف کئی لشکراں کوں بھیجا گیا، لیکن مصری کوئی قابل ذکر کامیابی نہ حاصل کر سکے۔ بلکہ عکہ، جبیل، بنیاس تے صیدا چھک گھدا صرف عسقلان انہاں کول رہ گیا۔ 510ھ وچ انہاں نے مصر تے حملہ کر کے فرما دا کچھ علاقہ ساڑ ݙتا تے تینس دے قریب پہنچ گئے، لیکن صلیبی سپہ سالار دی علالت نے انہاں کوں واپس ونجݨ تے مجبور کر ݙتا۔ 518ھ وچ انہاں نے صور کوں قبضہ وچ گھن گھدا ۔

فرقہ بدیعیہ

اس دے بانی ݙو مصری دھوبی برکات تے حمید بن مکی ہن۔ انہاں نے اصلی اسماعیلی عقیدے ظاہر کر ݙتے۔ افضل کوں علم تھیا تاں اس دارلعلم کوں بند کروا ݙتا تے اس فرقہ دے لوگاں کوں سزاواں ݙتے۔ برکات تے حمید قیصر وچ چھپ گئے۔ افضل دے قتل دے بعد 725 ھ وچ درالحکمۃ کوں دوبارہ کھولا۔ حمید تے برکات دوبارہ ظاہر تھئے۔ وزیر مامون البطائحی نے انہاں کوں قتل کروا ݙتا۔

آمر دا قتل

مامون البطائحی دے بعد آمر نے کہیں کوں وزیر نہ بݨایا۔ صرف مشورے کیتے ݙو افسر جعفر بن عبد المنعم تے ابو یعقوب ابراہیم سامری مقرر تھئے۔ ایہ طریقہ ٻیا مضر ثابت تھیا تے جیہڑے الزمات وزیراں تے لگدے پئے ہن اوہ خود آمر تے لگݨ لگے تے خود آمر رعایا تے تشدد کرݨ لگا۔ نزار دے منݨ والے آمر دے سخت دشمن ہن۔ ایہ اس تاک وچ ہن کہ کہیں طرح آمر کوں قتل کر کے نزار دے سلسلے کوں مصر وچ قائم کرن۔ آمر ہک روز اپݨی معشوقہ دے نال سیر گاہ وچ ویندا پیا ہئی کہ چند نزاریاں نے جیہڑے ہک جگہ چھپے ہوئے ہن اس تے اچانک حملہ کر کے زخمی کر ݙتا۔ اونکوں قاہرہ گھنایا گیا. 524ھ وچ اوٻ شب اس دا انتقال تھی گیا ۔