ابو المیمون الحافظ

ابو المیمون عبد المجید الحافظ الدین دولت فاطمیہ دا یارہواں خلیفہ (524ھ تا 544ھ) اے. آمر جݙݨ قتل تھیا تاں اس دا کوئی پتر نہ ہئی اس واسطے اس دے چقچا زاد بھائی کوں خلیفہ بݨا ݙتا گیا۔ ایہ مستنصر دا پوترا تے اس دے پتر محمد دا پتر ہئی۔ چونکہ اسماعیلی عقائد دے مطابق پیؤ دے بعد پتر ہی امام بݨدا ہے۔ اس واسطے اس اس لڑکے دا نائب ہوݨ دا دعویٰ کیتا، جیہڑا آمر دی ہک بیوی دے بطن توں تھیوݨ والا ہئی۔ اس واسطے حافظ اپݨے آپ کوں نائب آہدا ہئی۔ مگر لڑکی دی پیدائش دے بعد اس امام ہوݨ دا دعویٰ کیتا ۔ حافظ نے 75 سال دی عمر وچ 544ھ وچ وفات پاتی ۔

دورِ حکومت

حافظ دا پہلا وزیر ہزبر الملک ہئی لیکن فوج نے اس دی وزارت قبول نی کیتی تے اس کوں معزول کرݨ دا مطالبہ کیتا۔ مجبوراً ہزبر الملک کوں معزول کر ݙتا تے فوج دے مطالبہ تے اونکوں قتل وی کرنا پیا. اس دے بعد احمد علی وزیر بݨا۔ ہزبر الملک دی وزارت صرف ہک ݙینہہ رہی۔

احمد نے وزیر بݨدے ہی حافظ دے اختیارات چھک گھدے تے اس حکومت دا مذہب اسمٰعیلی توں بدل کے اثنا عشری جاری کرایا تے امام منتظر دے سکے جاری کیتے تے خطبہ وچوں وی حافظ دا ناں کڈھا کے اثنا عشری دے اماماں تے اپݨا ناں داخل کروا ݙتا۔ ول اس حافظ کوں وی قتل کراوݨ دی کوشش کیتی۔ لیکن اس وچ قوہ کامیاب نہ تھیا۔ احمد کوں 526ھ وچ یانس کتامی نے قتل کر ݙتا۔ حافظ نے یانس کوں وزیر بݨا گھدا۔ ایہ بہت ہوشیار ہئی لیکن ضرورت توں زیادہ سخت ہئی۔ اس واسطے حافظ گھبرا گیا تے موقع پا کے 529ھ وچ اونکوں قتل کروا ݙتا۔

528ھ وچ اس ولی عہد سلیمان کوں بݨایا، لیکن ایہ لڑکا ݙو مہینے دے بعد مر گیا۔ اس دے بعد اس ݙوجھے بیٹے حسین کوں ولی عہد بݨایا۔ مگر اس دا تریجھا بیٹا حسن جیہڑا بہت دولت مند تے ذی اثر ہئی نے اس کوں تسلیم نہ کیتا۔ اس وقت مصری فوجاں دی ݙو جماعتاں ہن، ہک ریحانیہ تے ݙوجھی جیوشیہ۔ حسن نے ݙوہاں جماعتاں وچ پھوٹ پوا چھوڑی، آپس دی اس خانہ جنگی وچ پنج ہزار توں زیادہ افراد مارے گئے.