ابنِ صفی دا پی ٹی وی نال اختلاف

1977ء وچ انہاں دے ہک ناول ڈاکٹر دعاگو کوں پاکستان ٹیلی ویژن نے ٹیلی فلم دی حیثیت نال پکچرائز کیتا ہئی۔ مشہور اداکار قوی خان نے اس وچ عمران دا کردار ادا کیتا ہئی۔ لیکن کجھ سیاسی الجھناں دی وجہ توں ناظرین ایہ ٹیلی فلم ݙیکھݨ توں محروم رہے۔ روزنامہ جنگ نے اپݨی 18، اکتوبر 1979ء دی اشاعت وچ ایہ خبر شائع کیتی۔ "ایہ جملہ ول ول سݨن وچ آندا ہے کہ فلاں فلاں مصنف کوں بعید نما نے بلیک لسٹ کر ݙتا، لیکن کہیں مصنف نے بعید نما کوں بلیک لسٹ کر ݙتا ہووے ایہ عجیب ڳال ہے۔ ابن صفی دا آکھݨ ہے کہ اوہ اس وقت تک بعید نما دے کہیں پروگرام وچ حصہ نہ گھنسن جے تک ایہ نہ ݙسا ونجے کہ انہاں دے ناول ڈاکٹر دعاگو کوں ٹیلی کاسٹ کیوں نی کیتا گیا؟"