پرل ہاربر حملہ (انگریزی: Pearl Harbor attack، دیگر ناں: ہوائی آپریشن یا آپریشن زی) 7 دسمبر 1941ء کوں جاپانی شاہی بحریہ دے پہلے ہوائی ٻیڑے دی جانب توں امریکہ دے جزائر ہوائی وچ پرل ہاربر دے بحری اڈے تے اچانک کیتا گیا حملہ ہئی جس دا مقصد ݙوجھی جنگ عظیم دے دوران بحر الکاہل وچ امریکی فوج تے بحریہ دے ٻیڑے کوں بدستور غیر جانبدار رکھݨا ہئی۔ پرل ہاربر، ریاست ہوائی دے جزیرے اواہو تے حملے دی زد وچ آوݨ والی عسکری تے بحری تنصیبات وچوں ہک ہئی۔

Attack on Pearl Harbor Japanese planes view آپریشن زی دی ہک تصویر

تفصیللکھو

اس حملے وچ جاپان دے 6 طیارہ بردار بحری جہازاں نال اݙݨ والے 353 ہوائی جہازاں نے حصہ گھدا۔ حملے دے نتیجے وچ امریکا دے 8 بحری جہاز تباہ تھئے تے 9 کوں شدید نقصان پہنچا۔ 188 طیارے مکمل طور تے تباہ تھی گئے جبکہ 2403 امریکی فوجی تے 68 شہری ہلاک تھئے۔ البتہ بحر الکاہل کیتے امریکی بحری ٻیڑے دے ترے طیارہ بردار جہاز اس وقت بندرگاہ تے موجود نہ ہن اس واسطے انہانکوں کوئی نقصان نہ پہنچا۔

حالانکہ ابتداً اینکوں جاپان دی ایک زبردست فتح سمجھا ویندا پیا ہئی لیکن طویل المیعاد طور تے حکمت عملی دے اعتبار نال ایہ حملہ جاپان دی ہک فاش غلطی ثابت تھیا کیونکہ اس نال امریکا کوں جنگ عظیم دوئم وچ سٹ کڈھاوݨ دا موقع ملا تے ایویں جنگ دا پانسا اتحادیاں دے حق وچ پلٹ گیا۔

حوالےلکھو