آمنہ حق

آمنہ حق پاکستان دی فیشن انڈسٹری دا ایسا ناں ہے جیں نے کئی سال تک انڈسٹری تے بلا شرکتِ غیرے حکومت کیتی۔ انہاں دی وجہ شہرت فیشن انڈسٹری دے علاوہ سابق گورنر پنجاب غلام مصطفیٰ کھر دی دھی ہووݨ وی قرار پایا کیونکہ انہاں توں قبل کہیں اتنی ہائی پروفائل شخصیت دی دھی نے فیشن انڈسٹری وچ قدم نہ رکھا ہئی.

ذاتی زندگی

آمنہ حق پاکستان دی ٹاپ دی ماڈلز وچوں ہک ہن جنہاں نے پاکستان فیشن انڈسٹری کوں ہک نویں جہت ݙتی۔ فیشن ڈیزائنر عمار بلال دے نال شادی کے بعد منظر عام توں تقریباً غائب تھی ڳن۔ پاکستانی فیشن تے ٹی وی انڈسٹری دی جانی مانی شخصیت آمنہ حق جنہاں نے مہندی سمیت کئی ڈرامیاں وچ اپݨی اداکاری دے جوہر ݙکھائے تے لمبے عرصے بعد سوشل میڈیا تے اپݨی ایسی تصاویر جاری کر ݙتیاں کہ ݙیکھ کے یقین نی آندا کہ کیا ایہ واقعی ہی اوہا سپر ماڈل آمنہ حق ہے۔ 2009ء وچ فیشن ڈیزائنر عمار بلال دے نال اپݨی زندگی دی اننگز دا آغاز کرݨ دے بعد شوبز انڈسٹری توں غائب تھیوݨ والی اداکارہ نے جݙݨ اپݨی تصاویر انسٹا گرام تے شیئر کیتیاں تاں ݙیکھݨ والے ݙیکھدے ہی رہ گئے. سابق وزیراعلیٰ پنجاب ملک مصطفی کھر دی صاحبزادی تے معروف ماڈل و اداکارہ آمنہ حق طویل عرصے بعد منظر عام تے آ گئیاں۔

اداکارہ آمنہ حق دے قریبی ذرائع دے مطابق اوہ گزشتہ پنج برس توں امریکا وچ مقیم ہن تے اپݨی فیملی دے نال گھریلو زندگی بسر کریندیاں پیاں ہن۔ اوہ امریکا وچ خیریت نال ہن تے انھاں نے نہ تاں گردش شدہ خبراں دے مطابق خودکشی کیتی ہے تے نہ ہی انہاں دی نجی زندگی وچ ایسے کوئی حالات ہن۔ البتہ اوہ ایسی جھوٹی تے منگھڑت خبر چلاوݨ والے ادارے دیخلاف قانونی کارروائی کرݨ دا حق محفوظ رکھدی ہن۔ اس خبر نال انہاں دے چاہݨ والے تے قریبی عزیز و اقارب انتہائی تکلیف نال گزرے ہن۔ واضح رہے کہ آمنہ حق نے اپݨے فنی سفر دے دوران فیشن ڈیزائنر تے بزنس مین عمار بلال نال شادی کر کے شوبز کوں خیرباد آکھ ݙتا ہئی.

ہونڈا سٹی دی مشہوری وچ آمنہ حق دے نغمے دا کردار

SX8 ہونڈا سِٹی کوں کامیاب کرݨ کیتے جنوری 2000ء وچ ہونڈا نے اینکوں ہک نواں انداز ݙتا۔ نویں انداز دی حامل سِٹی دے نال [[پاکستان]]ی ادکارہ آمنہ حق دا ہک نغمہ وی پیش کیتا گیا ہئی۔ اگر مقامی ٹیلی ویژن چینلز تے چلݨ والا اوہ نغمہ تہاکوں یاد نہ ہووے تاں انٹرنیٹ تے موجود ویڈیو ݙیکھ کے ماضی دے جھروکیاں وچ جھانک سکدے او۔ بہرحال، سِٹی دا نواں انداز پیش کریندے ہوئے ہونڈا نے پچھلی خامیاں دا ازالہ وی کیتا.