آلو

ہک سبزی ہے۔ ایہ اصل وچ ہک پودے دی ڄڑھ ہے۔ این دا آبائی وطن جنوبی پیرو ہے۔ سولہویں صدی کنوں پہلے اسے باقی دنیا وچ کائناں ڄاݨدے ہن۔ اڄ ایہ سبھ توں ودھ ورتیوݨ والی سبزی ہے۔ اینکوں 1536ء وچ یورپ کنوں گھن آئے ول ایہ باقی دنیا وچ پھیل ڳیا۔ ایندیاں ہزاراں قسماں ہن۔

غذائیت دے معاملے وچ آلو کتنا بھرپور ہوندا ہے اس دا اندازہ ایویں وی لایا ونج سگدا ہے کہ اگر پکے ہوئے آلواں دا صرف ہک کپ (173 گرام) گھدا ونجے تاں اس وچ 161 کیلوریز دے نال وٹامن بی 6، پوٹاشیم، تانبا (کاپر)، وٹامن سی، مینگنیز، فاسفورس، فائبر، وٹامن بی 3 تے پینٹوتھینک ایسڈ دی وی وافر مقدار ہوندی ہے۔ 29 فیصد کاربوہائیڈریٹس تے 8.5 فیصد پروٹین انہاں دے علاوہ ہن۔ وٹامن، پروٹین تے معدنیات تے مشتمل ایہ تمام غذائی اجزاء صرف عام لوگاں ہی کیتے نی بلکہ غذائی ماہرین دے نزدیک وی آلو کوں پسندیدہ ترین سبزی دے مقام تے فائز کریندے ہن.

آلو دے فائدے

آلو ہک ایسی سبزی ہے جینکوں وݙے، بچے سب ہی نہایت شوق نال کھاوݨا پسند کریندے ہن۔ شاید ہی کوئی ایسا ہوسی جیہڑا ایہ آکھے کہ اونکوں آلو دے چپس پسند نی، یا ول بریانی وچ آلو شامل کرݨ دا انتخاب کجھ زیادہ خاص نی ہوندا۔ آلو تل دے کھائے ونجن، انہاں کوں ابالا ونجے یا ول کہیں ٻئے انداز وچ پکائے ونجن، ایہ سب کوں ہی لذیذ لگدے ہن۔ لوگ آہدے ہن کہ زیادہ آلو کھاوݨ نال وزن ودھدا ہے لیکن کیا تساں اس مزیدار سبزی دے اتنے سارے فوائد ڄاݨدے ہاوے؟

1- بلڈ پریشر کوں بہتر رکھے

جی ہاں آلو تہاݙے بلڈ پریشر کوں بہتر رکھدا ہے، لیکن اس دا ایہ مطلب بالکل نی کہ تساں تیل وچ تلے آلو دے چپس کھاندے ونجو بلکہ پکا کے یا ابال کے اپݨے سلاد دا حصہ وی بݨاؤ۔

2- دماغی صحت کوں بہتر کرے

آلو وچ موجود الفا لیپوئک ایسڈ دماغی صحت کوں بہتر کریندا ہے جبکہ ڈاکٹرز دا ایہ وی منݨ ہے کہ Alzheimer نامی دماغی مرض وچ مبتلا افراد کوں آلو دا استعمال زیادہ توں زیادہ کرݨا چاہیدا اے۔

3- نظام ہاضمہ کیتے مفید

آلو وچ موجود فائبر نظام ہاضمہ کوں بہتر کریندا ہے، اگر اینکوں صحیح انداز تے صحیح مقدار وچ کھادا ونجے تاں پیٹ دی خرابی یعنی دائیریا توں وی جلد نجات مل سکدی ہے۔

4- پُرسکون نیند

ٹریپٹوفان ہک ایسا تیزاب ہے جیہڑا آلو وچ موجود ہوندا ہے، ایہ اس سبزی دا پروٹین ہے، جس نال نیندر بہتر آندی ہے، آلو وچ موجود پوٹیشیم وی انسانی جسم دے عضلات کوں آرام ݙیندا ہے۔

5- ہڈیاں کیتے مقید

آلو وچ کیلشیم دی مقدار کافی زیادہ ہوندی ہے جیہڑا ہڈیاں کوں مضبوط بݨاوݨ وچ مدد ݙیندا ہے۔

6- پُر رونق جلد

آلو وچ موجود وٹامن سی جلد کوں بہتر کرݨ دے کیتے کار آمد منا ویندے، آلو دا استعمال خشک جلد کوں بہتر کریندے، جبکہ اینکوں چہرے تے لایا ونجے تاں جھریاں وی ختم تھی سگدیاں ہن.

Patates

پیداوار

چوٹی دے آلو پیداکار :

ملین میٹرک ٹن وچ

• چین 88.4
• بھارت 42.3
• روس 32.7
• یوکرین 24.2
• ریاستہائے متحدہ 19.4
• جرمنی 11.8
• پولینڈ 8.2
• بنگلہ دیش 8.3
• فرانس 8.0
• بیلاروس 7.7
• دنیا 374.4