آسٹریا

یورپ وچ ہک ملک ہے۔ آسٹریا (Austria) جیکوں سرکاری طور پر جمہوریہ آسٹریا وی اہدے ہن، برِ اعظم یورپ دے ادھ وچ واقع خشکی وچ گھرا ہویا ہک ملک ہے۔ ایں دی کل آبادی 83 لکھ ہے۔ ایں دے شمال وچ جرمنی تے چیک ریپبلک، مشرق وچ سلواکیا تے ہنگری، جنوب وچ سلوانیا تے اٹلی اتے مغرب وچ سوئٹزرلینڈ تے لیچٹنسٹائن دے ممالک واقع ہن۔ آسٹریا دا کل رقبہ 83٫872 مربع کلومیٹر ہے۔ آسٹریا دی سرزمین بلند پہاڑاں تے مشتمل ہے تے اتھاں ایلپس پہاڑی سلسلہ واقع ہے۔ ملک دا 32 فیصد رقبہ سطح سمندر کنوں 500 میٹر توں گھٹ اُچا ہے۔ ایں دا اُچّا ترین مقام 3٫797 میٹر اُچّا ہے۔

نشان

پرچم

زبان

آبادی دی اکثریت جرمنی زبان الیندی ہے تے ایہ ملک دی سرکاری زبان ہے۔ ٻیاں مقامی زباناں وچ کروشین، ہنگری تے سلوین شامل ہن۔

سیاست

آسٹریا دی پارلیمان ویانا وچ ہے۔ اے شہر ملک دا دارلحکومت تے سب توں وݙا شہر وی ہے۔ 1920ء دے ائین دے مطابق آسٹریا وفاقی، پارلیمانی، جمہوری ریاست ہے۔ ریاستی سربراہ وفاقی صدر ہوندا ہے جینکوں براہ راست منتخب کیتا ویندا ہے۔ وفاقی حکومت دا سربراہ وفاقی چانسلر ہوندا ہے جینکوں صدر مقرر کریندا ہے۔ حکومت کوں صدارتی حکم یا عدم اعتماد دے ووٹ دے بعد ختم کیتا ونج سکدا ہے۔

مذہب

20ویں صدی دے اختتام تک 74 فیصد آبادی دا مذہب رومن کیتھولک ہئی۔ 5 فیصد خود کوں پروٹسٹنٹ منیندے ہن۔ آسٹریا دے عیسائیاں کوں کلیسا کیتے مخصوص ممبرشپ فیس ݙیوݨی پوندی ہے۔

آسٹریا وچ اسلام سو سال توں سرکاری طور تے ہک تسلیم شدہ مذہب ہے۔ اس وقت آسٹریا وچ تقریباً پنج لکھ مسلمان آباد ہن جیہڑے ملک دی کل آبادی دا چھ فیصد ہن۔ درالحکومت ویانا وچ اسلام رومن کیتھولکس دے بعد ݙوجھا وݙا مذہب ہے۔ آسٹریا دی اسلامی برادری دے مطابق اس وقت ملک وچ سٹھ ہزار مسلمان بچے مذہبی تعلیم حاصل کریندے پن۔ اے تعلیم جرمن زبان وچ فراہم کیتی ویندی ہے۔