آدم قادمون

آدم قادمون، یہودی مذہبی ادب قبالہ وچ موجود ہک جملہ ہے، جیں دے معنی اصل آدمی دے ہن۔ ربیوں دا قدیم ترین بنیادی ماخذ نمبرز ربہ ہے۔ ایہ یہودی تصوف دی ہک اصطلاح ہے جیں دا مطلب ہے ابتدائی یا قدیم انسان۔ ایہ غناسطی تے مانویت وچ ملݨ والے پہلے انسان دے ہم مترادف ہے۔ آدم قادمون دی اکھیاں توں روشنی نکلدی ہے، آدم قادمون جنہاں خصوصیات نال متصف ہے اوہ مسلمان صوفیا دے انسان کامل وچ وی ملدیاں ہن۔